आमच्या विषयी
"निविदा प्रक्रियेतील तुमचा विश्वासू सहकारी – GPTenders.in"
‘निविदा प्रक्रियेत सुसूत्रता, कायदेशीरता आणि सुरक्षितता’
महाराष्ट्रातील स्थानिक स्वराज्य संस्थांमध्ये विशेषतः ग्रामपंचायत स्तरावर विकास कामांची निविदा प्रक्रिया सुसंगत, पारदर्शक व कायदेशीर मार्गाने राबविणे ही काळाची गरज बनली आहे. सध्याच्या डिजिटल युगात ही प्रक्रिया तांत्रिक व व्यवस्थापकीय दृष्टीने अधिक सक्षम व्हावी, यादृष्टीने gptenders.in या पोर्टलची संकल्पना विकसित करण्यात आली आहे.
“ सक्षमता हीच सुरक्षितता ” या तत्त्वावर आधारलेले हे पोर्टल ग्रामपंचायत अधिकारी, पदाधिकारी व कर्मचारी यांना निविदा प्रक्रियेतील प्रत्येक टप्प्यावर आवश्यक त्या कायदेशीर मार्गदर्शनासह, तांत्रिक सहाय्य उपलब्ध करून देते. निविदा प्रक्रिया अधिक सुसूत्र व विश्वासार्ह बनविण्यासाठी, तसेच विकास कामांचे व्यवस्थापन अधिक पारदर्शक व सुलभ करण्याच्या हेतूने हे पोर्टल प्रभावीपणे कार्यरत आहे.
‘निविदा सहाय्यक पोर्टल’
gptenders.in पोर्टलच्या माध्यमातून निविदा प्रक्रियेतील विविध कार्यपद्धती – कामाची निवड करणे, निविदा प्रक्रिया करणे,कामाची देयके अदा करणे, शासकीय कपाती करून त्याचा योग्य त्या खात्यामध्ये भरणा करणे, तांत्रिक व आर्थिक अहवाल तयार करणे, पोर्टलवर तयार होणाऱ्या रिपोर्ट्सच्या माध्यमातून गावातील विकास कामांचा आढावा घेणे या सर्व बाबी सुबोध, शिस्तबद्ध व कायदेशीर पद्धतीने पार पडतात. शिवाय, सर्व प्रक्रिया व त्यासंबंधित दस्ताऐवजांचे अभिलेखन संगणकीकृत पद्धतीने कायमस्वरूपी जतन केले जाते.
या पोर्टलचा प्रभावी वापर करून ग्रामपंचायत स्तरावरील अधिकारी व कर्मचारी यांना त्यांच्या कार्यामध्ये आत्मविश्वास, कार्यक्षमता व पारदर्शकता प्राप्त होईल, असा विश्वास आहे.
